News

ဇင်ယော်နီ တစ်ပတ်အတွင်း ချိန်ဆရန် သင်၏ကံ (၂၀၁၇ ဒီဇင်ဘာ ၂၅ မှ ၃၁ )

တနင်္ဂနွေသားသမီးများ

ဒီရက်တွေအတွင်းမှာ ကံနည်းနည်းကလေး ညံ့တယ်။ ဆိုးဆိုးဝါးဝါးတော့ မဟုတ်ပါဘူး။ စိတ်ကတော့ အလွန်ညစ်ရမယ်။ လုပ်သမျှကြံသမျှ အလွဲလွဲအချော်ချော်ဖြစ်နေမယ်။ စိတ်တိုင်းမကျစရာတွေ ကြုံနေမယ်။ အလုပ်လည်း မနားရအောင် ရှုပ်မယ်။ ကိုယ့်ကိစ္စထက် သူတစ်ပါးရဲ့ကိစ္စတွေက ပိုပြီးရှုပ်နေ တတ်တယ်။ အရေးကြီးတဲ့အလုပ်တွေ လစ်ဟင်းချွတ်ချော်သွားတတ်ပါတယ်။ အလုပ်မှာ အထစ်အငေါ့ တွေ များတတ်တယ်။ ပစ္စည်းတစ်ခုအတွက် ငြင်းခုန်ဖြေရှင်းရတတ်တယ်။ လက်ဝတ်ရတနာတွေ ထွက်တတ်တယ်။ မိတ်ဆွေ၊ မောင်နှမတို့ရဲ့ အချစ်ရေး၊ အိမ်ထောင်ရေး စိတ်ရှုပ်ရလိမ့်မယ်။ အဆောက်အဦးကိစ္စ၊ နေရာကိစ္စ အပြောင်းအရွှေ့ကိစ္စတွေ အဆင်ပြေအောင်မြင်မယ်။ အောက်လက်ငယ်သားအတွက် စိတ်ချမ်းသာရမယ်။  အပူလောင်တာ၊ ဓာတ်လိုက်တာ၊ အဖိုးတန်ပစ္စည်းတွေ ပျက်စီးဆုံးရှုံးတာ၊ သူခိုးခိုးခံရတာတွေ ကြုံတတ်ပါတယ်။ မိဘဆရာသမားတို့ရဲ့ အမြင်မကြည်မလင်ခြင်းကို ခံရတတ်တယ်။ ပညာရေး၊ သင်တန်း အစီအစဉ်တွေမှာ စိတ်မပါဘဲဖြစ်လာမယ်။ အချစ်ရေး၊ အိမ်ထောင်ရေးမှာတော့ စိတ်ချမ်းသာဖွယ် သတင်းကောင်းတွေ ကြားရတတ်တယ်။ ပျော်ရွှင်ဖွယ်ခရီးတွေ သွားရတတ်တယ်။ ဝမ်းသာစရာ စာတွေ၊ သတင်းတွေ ရောက်လာတတ်ပါတယ်။ ငွေရေးကြေးရေးအတွက်လည်း အင်မတန် စိတ်ချမ်းသာရမယ်။ မဖြစ်စလောက်နဲ့ ပြင်းပြင်းထန်ထန် ဖြေရှင်းရတတ်တာကိုတော့ သတိပြုသင့်ပါတယ်။ ကံအကျိုးပေးဂဏန်း ၁/၅။ ကံ၏အပံ့အပိုးရရှိရန် ဘုရားမှာ သာသနာ့အလံ ၆ လက် လှူပါလေ။

 

တနင်္လာသားသမီးများ

ဒီရက်တွေအတွင်းမှာ ကြံတိုင်းအောင်လို့ ဆောင်တိုင်းမြောက်ဆိုတဲ့  အခြေအနေမျိုးတွေ ကြုံ လာမယ်။ အောင်မြင်မှုတွေ တစ်ခုပြီးတစ်ခု ဆက်နေမယ်။ ရည်ရွယ်ထားသမျှ ရဲရဲလုပ်သင့်ပါတယ်။ အဘက်ဘက်ကနေ အခြေအနေကောင်း၊ အခွင့်အလမ်းကောင်းတွေ ကြုံလာမယ်။ အောက်လက်ငယ်သား တွေရဲ့ အကူအညီကောင်းတွေလည်း ရလိမ့်မယ်။ မထင်မှတ်တဲ့ လူကြီးသူမတွေကလည်း ထိရောက်တဲ့ အကူအညီတွေ ပေးလာတတ်ပါတယ်။ ခရီးကိစ္စတွေ အောင်မြင်မယ်။ နိုင်ငံရပ်ခြားကိစ္စတွေ အဆင်ပြေမယ်။ လုပ်ငန်းပြောင်းတာ၊ လုပ်ငန်းသစ်စတာ၊ နေရာပြောင်းတာတွေလည်း အောင်မြင်မယ်။ ငွေအလွန်ရွှင်မယ်။ အစုလိုက်အပုံလိုက် ဝင်လာတတ်ပါတယ်။ ဘယ်လောက်ပဲဝင်ဝင် မမြဲဘူးဖြစ်နေမယ်။ ရှိပြီးသားပစ္စည်းတွေ ထွက်သွားတတ် ပါတယ်။ ဆွေမျိုးရင်းမိတ်ဆွေရင်း ဒုက္ခပေးတတ်တယ်။ အိမ်မကပ်ချင်ဘဲဖြစ်နေမယ်။ လက်ရှိအလုပ်က ထွက်သွားချင်စိတ်တွေလည်း ပေါ်လာတတ်ပါ တယ်။ အလုပ်တွေအောင်မြင်၊ ငွေတွေဝင်ပေမယ့် နာမည်ကြီးထမင်းငတ်ဆိုသလို ဖြစ်နေတတ်တယ်။ အချစ်ရေး၊ အိမ်ထောင်ရေးမှာလည်း အတိုက်အခံကြီးစွာ လုပ်ရတတ်တယ်။ ဘေးကလည်း ဝင်ရှုပ်နေလိမ့်မယ်။ မထင်မှတ်ဘဲ သင်တန်းတစ်ခုတက်ဖြစ်တာ၊ အလှူအတန်းကိစ္စ၊ ဘာသာရေးကိစ္စတွေ လုပ်ဖြစ် တာမျိုး ကြုံရတတ်ပါတယ်။ အင်မတန်အရေးကြီးတဲ့ ကိစ္စကြီးတစ်ခု ပြတ်ပြတ်သားသား ဆုံးဖြတ်ဖို့ အကြောင်းပေါ်လာတတ်ပါတယ်။ ကံအကျိုးပေးဂဏန်း ၂/၄။ ကံ၏အပံ့အပိုးရရှိရန် ဘုရားမှာ ငွေထီး ၉ လက် လှူပါလေ။

 

အင်္ဂါသားသမီးများ

ဒီရက်တွေအတွင်းမှာ ရပ်ဝေးအဆက်အသွယ်ကောင်းတွေ ပေါ်လာမယ်။ ခရီးကိစ္စပေါ်လာ မယ်။ အောင်မြင်မယ်။ မျက်မှန်နဲ့လူဆီက အကူအညီကောင်းတွေ ရတတ်တယ်။ ထွက်နေတဲ့ ငွေတွေ၊ ပစ္စည်းတွေ ပြန်ဝင်လာမယ်။ ဆုံးရှုံးထားတဲ့ အခွင့်အရေးတွေ ပြန်ရတတ်ပါတယ်။ ပျောက်နေတဲ့ပစ္စည်းတွေ အမှတ်မထင် ပြန်တွေ့တတ်ပါတယ်။ ဆရာသမား၊ မိတ်ဆွေတို့ရဲ့ အကူအညီကောင်း ပေါ်လာမယ်။ အပေါင်းအသင်းနှစ်ယောက်ရဲ့ သတင်းကောင်းကြားမယ်။ အိမ်ကိစ္စ၊ အဆောက်အဦးကိစ္စ၊ နေရာကိစ္စတွေမှာတော့ မှန်းချက်နဲ့နှမ်းထွက် လွဲကုန် တတ်ပါတယ်။ အောက်လက်ငယ်သားအတွက်လည်း စိတ်သောကရောက်ရတတ်တယ်။ မိသားစုထဲက တစ်ယောက် ခြေထောက်မှာ ထိခိုက်မိတတ်ပါတယ်။ မဖြစ်စလောက် အခက်အခဲ၊ ပြဿနာလေးတစ်ခု ရှင်းမပြီးနိုင်ဘဲ ဖြစ်နေတတ်ပါတယ်။ အချစ်ရေး၊ အိမ်ထောင်ရေးနဲ့ပတ်သက်လို့ကတော့ သာယာရန် ရာနှုန်းပြည့်လို့ ပြောရမှာပါပဲ။ ကြည်နူး ဝမ်းမြောက်ဖွယ် လက်ဆောင်ပစ္စည်းတွေလည်း ဝင်လာတတ်ပါတယ်။ အရေးကြီးတဲ့ကိစ္စတစ်ခုမှာ ဆုံးဖြတ်ချက်မှားတတ်ပါတယ်။ စိတ်လေစရာ အဖြစ်အပျက် တွေ ကြုံလာတတ်တယ်။ ရပ်ဝေးကြီးကဲသူဆီက အကူအညီရတာ၊ ရပ်ဝေးသတင်းကောင်းကြားတာ ပညာရေးကိစ္စ၊ သင်တန်းကိစ္စအတွက် ဝမ်းသာစရာကြုံတာ၊ လုပ်ငန်းအဆက်အသွယ်သစ်၊ အခွင့် အလမ်းကောင်း ပေါ်လာတာတွေ ကြုံရတတ်ပါတယ်။ ငွေနဲ့ပတ်သက်ပြီး အထစ်အငေါ့ အခက်အခဲတွေ ပြေလည်သွားမယ်။ သူတစ်ပါးတွေရဲ့ အထင်လွဲစွပ်စွဲခြင်း ခံရတတ်တာကိုတော့ သတိပြုရမယ့်အချိန်ပါပဲ။  ကံအကျိုးပေးဂဏန်း ၃/၆။ ကံ၏အပံ့အပိုးရရှိရန် ဘုရားမှာ ထီးဖြူ ၅ လက် လှူပါလေ။

 

ဗုဒ္ဓဟူးသားသမီးများ

ဒီရက်တွေအတွင်းမှာ ငွေတအားရွှင်မယ်။ သတင်းကောင်း၊ ဧည့်သည်ကောင်းတွေ ရောက်လာမယ်။ စာချုပ်ကိစ္စ၊ စာရင်းဇယားကိစ္စ၊ ပွဲလမ်းသဘင်ကိစ္စတွေ အောင်မြင်မယ်။ ပစ္စည်း အရောင်းအဝယ်ကိစ္စ ထစ်ငေါ့နေရင် အဆင်ပြေသွားမယ်။ ရပ်ဝေးက ငွေတွေ၊ ပစ္စည်းတွေလည်း ရောက်လာတတ်ပါတယ်။ မိသားစုထဲမှာတော့ တစ်ယောက်တစ်မျိုး စိတ်သဘောတွေ ကွဲရတတ်ပါတယ်။ အဆောက်အဦး၊ နေရာထိုင်ခင်းကိစ္စ၊ အဆင်မပြေဖြစ်တတ်တယ်။ မိခင်၊ အဒေါ်၊ အစ်မ စတဲ့ မိန်းမကြီးတွေနဲ့ ပြဿနာဖြစ်ရတတ်ပါတယ်။ အောက်လက်ငယ်သားထဲက ထိခိုက်အန္တရာယ် ကြုံတတ်တယ်။ အချစ်ရေး၊ အိမ်ထောင်ရေးကိစ္စတွေမှာတော့ ကြည်နူးချမ်းမြေ့စရာတွေ ဖြစ်လာမယ်။ ထူးထူးခြားခြား ဓာတ်ပုံတွေ၊ ပိုစတာတွေ၊ ပန်းချီကားတွေ ဝင်လာတတ်ပါတယ်။ ဒီအချိန်မျိုးမှာ တဇွတ်ထိုးလုပ်မိပြီး အမှားအယွင်းတွေတော့ ကြုံရတတ်ပါတယ်။ အများရဲ့ အမြင်မှာ အထင်လွဲစရာကိစ္စတွေ ဖြစ်လာတတ်ပါတယ်။ ပညာရေးကိစ္စ၊ သင်တန်းကိစ္စတွေ အဆင်ပြေ အောင်မြင်မယ်။ ရပ်ဝေးက အဆက်အသွယ်ကောင်းတွေ ပေါ်လာတတ်ပါတယ်။ လုပ်ဖော်ကိုင်ဖက်တွေ၊ လုပ်ငန်းပြိုင်တွေကတော့ ဒုက္ခပေးလာတတ်ပါတယ်။ အလုပ် မလုပ်ချင်တော့လောက်အောင် စိတ်ပျက်စရာတွေ ကြုံလာတတ်ပါတယ်။ ငွေရေးကြေးရေး ကတော့ အဘက်ဘက်က ဝင်နေပါလိမ့်မယ်။ မထင်မှတ်တဲ့ခရီး၊ ဘုရားဖူးခရီး၊ ငွေကိစ္စခရီးတွေ ထွက်ရတတ်ပါတယ်။ ပြဿနာဟောင်း၊ ရောဂါဟောင်းတွေ ပြန်ပေါ်လာတတ်တာကိုတော့ သတိထား ရမယ့်အချိန်လေးပါပဲ။  ကံအကျိုးပေးဂဏန်း ၄/၂။ ကံ၏အပံ့အပိုးရရှိရန် ဘုရားမှာ ပိတောက် ၇ ညွန့် လှူပါလေ။

 

ကြာသပတေးသားသမီးများ

ဒီရက်တွေအတွင်းမှာ ထူးထူးခြားခြား အောင်မြင်မှုတွေကြုံမယ်။ ဝမ်းသာစရာ နှစ်မျိုး ကြုံမယ်။ အလုပ်တွေကို အရှိန်အဟုန်မြှင့် တိုးချဲ့သင့်တဲ့ အချိန်လေးပါပဲ။ ပစ္စည်း ဝယ်/ရောင်း၊ ငှားရမ်းတဲ့ကိစ္စတွေမှာတော့ အလွဲအချော်ဖြစ်တတ်တယ်။ ရပ်ဝေးက အကူအညီကောင်းပေါ်လာမယ်။ အဆောက်အဦးကိစ္စ၊ အလုပ်နေရာ၊ အိမ်နေရာကိစ္စတွေ အဆင်ပြေမယ်။ နေရာဟောင်း တွေနဲ့ ပြန်ပြီးပတ်သက်ရတတ်ပါတယ်။ အောက်လက်ငယ်သားနဲ့ပတ်သက်လို့ ရည်ရွယ်ထားတဲ့ အစီအစဉ်တစ်ခုကတော့ လွဲသွားချော်သွားလိမ့်မယ်။ စိတ်ညစ်စရာဧည့်သည်၊ ဒုက္ခပေးမယ့်ဧည့်သည် လည်း ရောက်လာတတ်ပါတယ်။ မီး၊ လျှပ်စစ်၊ အပူ အန္တရာယ်ကြုံရတတ်ပါတယ်။ အချစ်ရေး၊ အိမ်ထောင်ရေးမှာ ပြေလည်နေမယ်။ မပြေလည်ဘူးဆိုရင်လည်း အမျိုးသမီးတစ်ဦးက ကြားဝင် ကူညီလာလိမ့်မယ်။ ခရီးအစီအစဉ်တစ်ခု လွဲသွား၊ ချော်သွားတတ်ပါတယ်။ မသွားချင်တဲ့ခရီး၊ အစီအစဉ်မရှိတဲ့ ခရီးမျိုးလည်း သွားရတတ်ပါတယ်။ ပညာရေးကိစ္စ၊ သင်တန်းကိစ္စတွေမှာ အဆင်မပြေကြီးစွာ ဖြစ်ရတတ်ပါတယ်။ ဆရာသမားလို ပုဂ္ဂိုလ်တွေ ထိခိုက်အန္တရာယ်ကြုံတတ်တယ်။ အလုပ်ကိစ္စ အလိမ်ခံရတတ်တယ်။ သူတစ်ပါး ပြဿနာကို ခေါင်းခံပြီးရှင်းရတတ်ပါတယ်။ မထင်မှတ်တဲ့ အလုပ်အခွင့်အရေးကောင်း၊ အဆက်အသွယ်ကောင်းတွေတော့ ပေါ်လာတတ်တယ်။ ငွေရေးကြေးရေး၊ စာရင်းဇယားကိစ္စတွေမှာ ရှုပ်ရှုပ်ထွေးထွေးဖြစ်တတ်ပါတယ်။ အတော်ကြီးခေါင်းစားနေရတဲ့ ပြဿနာတစ်ခုကတော့ ဟိုလိုဒီလိုနဲ့ပဲ အဆင်ပြေသွားပါလိမ့်မယ်။ ကံအကျိုးပေးဂဏန်း ၅/၁။ ကံ၏အပံ့အပိုးရရှိရန် ဘုရားမှာ သန့်ရှင်းရေးကုသိုလ် ပြုပါလေ။

 

သောကြာသားသမီးများ

ဒီရက်တွေအတွင်းမှာ ထစ်ငေါ့ကြန့်ကြာနေတဲ့ကိစ္စတွေ အဆင်ပြေသွားမယ်။ အလုပ်လျှောက်တဲ့ကိစ္စ၊ လျှောက်လွှာကိစ္စ၊ စာချုပ်၊ စာရင်းဇယားကိစ္စတွေ အောင်မြင်မယ်။ ပစ္စည်းတစ်ခုကို အကြောင်းပြုပြီး စကားများ ဖြေရှင်းရတတ်ပါတယ်။ ဆရာသမား၊ မိတ်ဆွေတို့ဆီက အကူအညီကောင်းတွေ ပေါ်လာမယ်။ မိတ်ဆွေအရင်းအချာရဲ့အိမ် အခိုးခံရတတ်ပါတယ်။ နေရာကိစ္စ၊ အဆောက်အဦးကိစ္စတွေ အစီအစဉ်တွေ ပျက်သွား၊ တန်းလန်းကြီးဖြစ်သွားတတ်ပါတယ်။ ဖခင်၊ ဦးလေး၊ အစ်ကို ... စသူတွေ ကျန်းမာရေးညံ့တတ်ပါတယ်။ အောက်လက်ငယ်သားနဲ့ပတ်သက်ပြီး အခက်အခဲ ကြုံရတတ်တယ်။ မိန်းမတစ်ယောက် ဒုက္ခပေးလာတတ်ပါတယ်။ အရေးကြီး စာရွက်စာတမ်းတွေ ပျက်စီးပျောက်ဆုံးတတ်တယ်။ အချစ်ရေး၊ အိမ်ထောင်ရေးမှာ မထင်မှတ်တဲ့ အချိုးအကွေ့တွေ ကြုံလာတတ်ပါတယ်။ ကိုယ့်ချစ်သူ၊ ကိုယ့်အိမ်ထောင်ဘက် လက်မှာ ခိုက်မိတာ၊ အောင့်တာ၊ နာတာ ဖြစ်တတ်ပါတယ်။ ဘေးပယောဂကြောင့် အချစ်ရေးအိမ်ထောင်ရေး ပြဿနာကြီးတတ်ပါတယ်။ ပြည်တွင်းပြည်ပ ခရီးဝေးကိစ္စတွေ အောင်မြင်မယ်။ ပညာရေးကိစ္စ၊ သင်တန်းကိစ္စတွေမှာလည်း ဝမ်းသာအားရဖြစ်စရာ ကြုံရတတ်ပါတယ်။ အလုပ်တစ်ချို့ မပြီးမပြတ် ဖြစ်နေတတ်ပါတယ်။ ဆုံးဖြတ်ရခက်တဲ့ အကြပ်အတည်းမျိုးတွေလည်း ကြုံလာတတ်ပါတယ်။ ငွေကံကတော့ အတော်ကလေး ကောင်းနေတဲ့ အချိန်ပါပဲ။ လက်ဆောင်ပစ္စည်းတစ်ခု၊ အမှတ်တရပစ္စည်းတစ်ခုကို အကြောင်းပြုပြီး စိတ်ရှုပ်စရာလေး တော့ ကြုံလာတတ်ပါတယ်။ ကံအကျိုးပေးဂဏန်း ၆/၃ ကံ၏အပံ့အပိုးရရှိရန် နွမ်းပါးသူများကို ဆီဒါန ပြုလုပ်ပါလေ။

 

စနေသားသမီးများ

ဒီရက်တွေအတွင်းမှာ ပြည်တွင်းပြည်ပ ခရီး၊ ဘုရားဖူးခရီးတွေ သွားရတတ်ပါတယ်။ ရပ်ဝေးကစာတွေ၊ ပစ္စည်းတွေ၊ အဆက်အသွယ်ကောင်းတွေလည်း ရောက်လာတတ်တယ်။ ထစ်ငေါ့ ကြန့်ကြာနေတဲ့ ပစ္စည်း အဝယ်အရောင်း၊ အငှားအရမ်း၊ အသွင်းအထုတ်ကိစ္စ အောင်မြင်မယ်။ သူငယ်ချင်းမိတ်ဆွေတွေ၊ မောင်နှမတွေနဲ့ အဆင်မပြေကြီးစွာဖြစ်ရတတ်ပါတယ်။ သူတို့တွေ ခြေထောက်မှာ ထိခိုက်မိတတ်တယ်။ နေရာကိစ္စ၊ အိမ်ကိစ္စ အစီအစဉ်တွေ လွဲချော်သွား တတ်ပါတယ်။ ဟိုမှာနေရတော့မလို၊ ဒီမှာနေရတော့မလို ယောင်တောင်တောင်ဖြစ်နေရတတ်ပါတယ်။ အမေ၊ အစ်မ၊ အဒေါ် စသူတွေနဲ့ စီစဉ်ထားတဲ့ အစီအစဉ်တွေ လွဲသွား၊ ပျက်သွားတတ်ပါတယ်။ ယာဉ်ကိစ္စ၊ စက်ကိစ္စတွေ အတွက်လည်း ပြောဆိုဖြေရှင်းရတတ်ပါတယ်။ အချစ်ရေးအိမ်ထောင်ရေးမှာ သတိကြီးစွာထားရမယ့် ရက်တွေပါပဲ။ သူ့လမ်းသူလျှောက်၊ ကိုယ့်လမ်းကိုယ်လျှောက် ဖြစ်ကုန်တတ်ပါတယ်။ ဘာရယ်မဟုတ်ဘဲ စိတ်မွန်းကျပ်နေမယ်။ စိတ်တိုလွယ်၊ ပြဿနာဖြစ်လွယ်တဲ့ အချိန်ပါပဲ။ မလုပ်ချင်တဲ့အလုပ်တွေလည်း လုပ်ရတတ်ပါတယ်။ ပညာရေးကိစ္စ၊ သင်တန်းကိစ္စနဲ့ပတ်သက်တဲ့ အခက်အခဲတွေကတော့ ပြေလည်သွားမယ်။ ပြဿနာဖြစ်နေတဲ့ ဆရာသမား၊ ကြီးကဲသူတွေနဲ့လည်း သင့်မြတ်ပြေလည်သွားပါလိမ့်မယ်။ ငွေကြေးရော၊ နာမည်ဂုဏ်သတင်းပါ တိုးတက်မယ့် အချိန်ပါပဲ။ ငွေဝင်သလောက် စာရင်းဇယား အရှုပ်အထွေးတွေ ကြုံရတတ်ပါတယ်။ သူခိုးခိုးခံရတာ၊ သော့ ဒုက္ခပေးတာ၊ သေချာသိမ်းဆည်းထားတဲ့ပစ္စည်း ပျောက်ဆုံးတာမျိုးတွေတော့ ကြုံရတတ်ပါတယ်။ ကံအကျိုးပေးဂဏန်း ၇/၈။ ကံ၏အပံ့အပိုးရရှိရန် နွမ်းပါးသူများကို ဆန်ကုသိုလ်ပြုလုပ်ပါလေ။

 

သဗ္ဗေဓမ္မာ

ဇင်ယော်နီ

စတိုးဆိုင်ပိုင်ရှင်တစ်ဦး ဖြစ်ပါသလား?

Red dot ဆိုင်ပိုင်ရှင်တစ်ယောက်ဖြစ်ရန်

သင့်ရဲ့လုပ်ငန်း တိုးတက်ရန် လိုအပ်သောအရာများကို Red dot မှ ကူညီထောက်ပံ့သွားမှာ ဖြစ်ပါတယ်။ ဒီနေ့ပဲ Red dot ကို ဆက်သွယ်ပြီး ဖုန်းဘေလ်မှအစ တခြားသော ငွေပေးချေမှု စနစ်တွေကို သင့်ဆိုင်မှာ စတင် ဝန်ဆောင်မှုပေးလိုက်ပါ။

လျှောက်ထားရန်
Customer Support

အကူအညီရယူလိုပါသလား?

ယဉ်ကျေးပျူငှာသော Red dot Customer Care အဖွဲ့မှ သင့် ပြဿနာများကို ဖြေရှင်းဖို့ အသင့် ရှိနေပါတယ်။

ဆက်သွယ်ရန်