News

ဇင်ယော်နီ တစ်ပတ်အတွင်း ချိန်ဆရန် သင်၏ကံ (၂၀၁၈ ဧပြီလ ၉ မှ ၁၅)

တနင်္ဂနွေသားသမီးများ

ဒီရက်တွေအတွင်းမှာ ကောင်းသောအပြောင်းအလဲတွေ ကြုံရတတ်ပါတယ်။ လက်ရှိလုပ်ငန်းကို တိုးချဲ့တာပဲဖြစ်ဖြစ်၊ လုပ်ငန်းပြောင်းတာ၊ အသစ်စတာပဲဖြစ်ဖြစ် အောင်မြင်နိုင်ပါတယ်။ ရပ်ဝေးက အဆက်အသွယ်ကောင်းတွေ ပေါ်လာတတ်ပါတယ်။ နေရာထိုင်ခင်းကိစ္စ၊ အဆောက်အဦးကိစ္စအတွက်တော့ စိတ်ညစ်ရတတ်တယ်။ ဆရာသမားလိုပုဂ္ဂိုလ်တွေ၊ ကြီးကဲသူတွေနဲ့ အခန့်မသင့်ဖြစ်တတ်တယ်။ ပညာရေးကိစ္စ၊ သင်တန်းကိစ္စတွေမှာ အထစ်အငေါ့အနှောက်အယှက် များနေတတ်ပါတယ်။ ပြဿနာဟောင်း၊ ရောဂါဟောင်းတွေ ပြန်ပေါ်လာတတ်ပါတယ်။ အိမ်သူအိမ်သားအချင်းချင်း စကားများ ရန်ဖြစ်ရတတ်တယ်။ အချစ်ရေးအိမ်ထောင်ရေးမှာလည်း ကြီးကဲသူတွေကိုအကြောင်းပြုပြီး အဆင်မပြေကြီးစွာ ဖြစ်တတ်တယ်။  ရပ်ဝေကပစ္စည်းတွေ ဝင်တတ်တယ်။ ခက်ခဲထစ်ငေါ့နေတဲ့ အရောင်းအဝယ်ကိစ္စတွေ အောင် မြင်သွားမယ်။ မိတ်ဆွေရင်းတွေရဲ့ ထိရောက်သောအကူအညီကောင်းတွေ ရရှိမယ်။ နိုင်ငံရပ်ခြားကိုထွက်ဖို့ ကြိုးစားနေတဲ့ ဆွေမျိုးသားချင်းတွေ အဆင်ပြေမယ်။ ထီပေါက်သလို ငွေတွေဝင်လာတတ်ပါတယ်။ ကျန်းမာရေးကတော့ တရှောင်ရှောင်ဖြစ်နေတတ်ပါတယ်။ လူနာဧည့်သည်ကို ကူညီရတတ်ပါတယ်။ ဆွေမျိုး၊ မိတ်ဆွေရင်းထဲက ကြီးကဲသူတစ်ဦး အမှုအခင်းကြုံတတ်ပါတယ်။ ကံအကျိုးပေးဂဏန်း ၅/၉။ ကံ၏အပံ့အပိုးရရှိရန် မိတ်ဆွေများကို မုန့်ဟင်းခါး လှူပါလေ။

 

တနင်္လာသားသမီးများ

ဒီရက်တွေအတွင်းမှာ စိတ်နဲ့ကိုယ်နဲ့ မကပ်ဘဲ ဖြစ်နေမယ်။ အိမ်မကပ်ချင်ဘဲ ဖြစ်နေမယ်။ လုပ်သမျှ ပြောသမျှ အဆင်မပြေဖြစ်နေတတ်ပါတယ်။ မနာလိုသူ နှောက်ယှက်သူလည်း အလွန်ပေါမယ်။ အထူးသဖြင့် ဆွေမျိုးရင်းတွေကြောင့် စိတ်ရှုပ်ရတတ်တဲ့ ကာလမျိုးပါပဲ။ အိမ်ကိစ္စ၊ နေရာကိစ္စအစီအစဉ်တွေလည်း လွဲချော်သွားတတ်ပါတယ်။ မိတ်ဆွေရင်းတွေက မကောင်းမြင် အထင်လွဲကြလိမ့်မယ်။ ပစ္စည်းတစ်ခု ဝယ်ဖို့ရောင်းဖို့ကိစ္စ မတင်မကျကြီးဖြစ်နေမယ်။ အောက်လက်ငယ်သားတွေ အိမ်က ထွက်သွားတတ်တယ်။ စကားများဖြေရှင်းရတာ၊ မတော်တဆ ထိခိုက်မိတာမျိုးတွေလည်း ကြုံရတတ်ပါတယ်။ ပြည်တွင်းပြည်ပခရီးကိစ္စတွေ ထစ်ငေါ့နေတတ်ပါတယ်။ အချစ်ရေးအိမ်ထောင်ရေးမှာတော့ စိတ်ချမ်းမြေ့စရာတွေ ကြုံလာမယ်။ ဝမ်းသာစရာ စာတွေ၊ အဆက်အသွယ်တွေ ရောက်လာတတ်တယ်။ ပညာရေးကိစ္စ၊ သင်တန်းကိစ္စတွေ အခြေအနေကောင်းကြုံ မယ်။ ဆရာကောင်း၊ သမားကောင်းတွေ တွေ့တတ်တယ်။ ပညာကောင်းတွေ ရတတ်ပါတယ်။  ငွေရေးကြေးရေး အထစ်အငေါ့တွေ အဆင်ပြေသွားမယ်။ ရပ်ထားရတဲ့အလုပ်တွေ၊ လုပ်ငန်း အဟောင်းတွေ ပြန်လုပ်ရတတ်ပါတယ်။ ဆုံးရှုံးပြီလို့ထင်ထားတဲ့အရာတွေ ပြန်ရလာတတ်ပါတယ်။ ကံအကျိုးပေးဂဏန်း ၁/၅။ ကံ၏အပံ့အပိုးရရှိရန် မိတ်ဆွေများကို အုန်းနို့ခေါက်ဆွဲလှူပါလေ။

 

အင်္ဂါသားသမီးများ

ဒီရက်တွေအတွင်းမှာ အလုပ်ကိစ္စ၊ ငွေကိစ္စတွေမှာ အပျက်အစီး အဆုံးအရှုံးများတတ်တယ်။ သေချာစီစဉ်ထားတဲ့ကိစ္စတွေ လွဲချော်ကုန်တတ်ပါတယ်။ သဘာဝ ဘေးအန္တရာယ်တွေ သတိထားပါ။ မီး၊ လျှပ်စစ် စတာတွေ ဒုက္ခပေးတတ်ပါတယ်။ ကြီးကဲသူတွေနဲ့ စိတ်သဘောကွဲတာ၊ စိတ်ညစ်စရာဧည့်သည်ရောက်လာတာ၊ မျက်မှန်နဲ့လူက ဒုက္ခပေးတာ၊ အချစ်ရေးအိမ်ထောင်ရေးမှာ ဘေးကဝင်ရှုပ်လာတာမျိုးတွေ ကြုံရတတ်ပါတယ်။ ပညာရေးကိစ္စ၊ သင်တန်းကိစ္စတွေ မတင်မကျဖြစ်နေတတ်ပါတယ်။ ငွေဆုံးတာ၊ြွေကးတင်တာ၊ သူခိုးခိုးခံ ရတာမျိုးတွေလည်း ကြုံရတတ်ပါတယ်။ အလှူမင်္ဂလာတစ်ခုကိုအကြောင်းပြုပြီး စိတ်ညစ်ရတတ်တယ်။ ရပ်ဝေးက ဝမ်းသာစရာဧည့်သည်တွေ ရောက်လာမယ်။ အဖိုးတန်ပစ္စည်း၊ အဝယ်အရောင်းကိစ္စ အောင်မြင်မယ်။ နေရာထိုင်ခင်းကိစ္စ၊ အဆောက်အဦးကိစ္စတွေမှာ ဆုံးဖြတ်ရခက်တဲ့ အခြေအနေမျိုးတွေ ကြုံလာမယ်။ အောက်လက်ငယ်သားတွေအတွက် ဝမ်းမြောက်ကြည်နူးရလိမ့်မယ်။ နှစ်ရှည်လများ ခံစားနေရတဲ့ ရောဂါဝေဒနာတစ်ခု ပျောက်မှန်းမသိ ပျောက်သွားမယ်။ အရေးကြီးတဲ့ စာရွက်စာတမ်းတွေလည်း ပျက်ဆီးပျောက်ဆုံးတတ်ပါတယ်။ စာချုပ်ကိစ္စ၊ စာရင်းဇယားကိစ္စတွေ မှားယွင်းတတ်ပါတယ်။ ကံအကျိုးပေးဂဏန်း ၃/၇။ ကံ၏အပံ့အပိုးရရှိရန် ကြီးကဲသူများကို ဆေးဝါးလှူပါလေ။

 

ဗုဒ္ဓဟူးသားသမီးများ

ဒီရက်တွေအတွင်းမှာ နာမည်ဂုဏ်သတင်း တိုးတက်တာ၊ ရာထူးတက်သလိုမျိုးတွေ ကြုံတတ်ပါတယ်။ လျှပ်စစ်နဲ့ပတ်သက်လို့ ပြင်ဆင်မွမ်းမံရတာတွေ လုပ်ရတတ်ပါတယ်။ အဖိုးတန်ပစ္စည်းတွေ ပျက်တတ်ပျောက်တတ်ပါတယ်။ လူမှုရေး၊ စီးပွားရေး အလုပ်ကိစ္စတွေမှာ မိန်းမတစ်ယောက် ဝင်ရှုပ်လာတတ်တယ်။ အချစ်ရေးအိမ်ထောင်ရေးမှာလည်း တစ်ဦးနဲ့တစ်ဦး စိတ်သဘောကြီးစွာ ကွဲတတ်ပါတယ်။ ကြီးကဲသူများ နဲ့ အဆင်မပြေဖြစ်ပြီးတဲ့နောက် အဆင်ပြေသွားမယ်။ ပညာရေးကိစ္စ၊ သင်တန်းကိစ္စတွေမှာလည်း စိတ်နှစ် ခွဖြစ်စရာတွေ မတင်မကျအခြေအနေတွေ ကြုံလာတတ်ပါတယ်။ နောက်ပိုင်းမှာတော့ အဆင်ပြေသွားမယ်။ ကွဲကွာနေတဲ့ မိတ်ဆွေမောင်နှမတွေနဲ့ အမှတ်မထင်ပြန်ဆုံမယ်။ အလုပ်နေရာ၊ အိမ်နေရာ ကောင်းသော ပြင်ဆင်ပြောင်းရွှေ့ရတတ်ပါတယ်။ အောက်လက်ငယ်သား မင်္ဂလာကိစ္စစီစဉ်ရတာ၊ အိမ်သူ အိမ်သားထဲက ထီပေါက်တာ၊ ငွေရေးကြေးရေးကိစ္စတွေ တို့လို့တန်းလန်းဖြစ်တာ၊ ကျန်းမာရေးအတွက် ငွေကုန်များရတာတွေ ကြုံရတတ်ပါတယ်။ သေသေချာချာ ကျကျနနစီစဉ်ထားတဲ့ အစီအစဉ်တစ်ခုကတော့ လွဲသွား၊ ပျက်သွားတတ်တယ်။ တစ်စုံတစ်ယောက်ရဲ့ မဆင်မခြင် မိုက်မဲမှုကြောင့် ကိုယ့်မှာ ထိခိုက်နစ်နာရတတ်ပါတယ်။ ကံအကျိုးပေးဂဏန်း ၆/၃။ ကံ၏အပံ့အပိုးရရှိရန် ကြီးကဲသူများကို ထီးလှူပါလေ။

 

ကြာသပတေးသားသမီးများ

ဒီရက်တွေအတွင်းမှာ တမင်ရန်စ နှောက်ယှက်တာ၊ ဖျက်လိုဖျက်ဆီးလုပ်တာတွေ ခံရတတ်ပါတယ်။ အတို့အထောင် ချောက်တွန်းခံရတတ် တယ်။ သူတစ်ပါးပြဿနာဟာ ကိုယ့်ပြဿနာဖြစ်သွားတတ်တဲ့ အချိန်မျိုးပါပဲ။ မြစ်နား၊ ချောင်းနား၊ ကန်နားကလူတွေကို သတိထားဖို့လိုပါတယ်။ မိသားစုအတွင်းမှာ ဘေးစကားကြောင့် သွေးကွဲရတတ်ပါတယ်။ လူကြီးသူမတွေက အထင်လွဲကြလိမ့်မယ်။ စိတ်ညစ်စရာဧည့်သည် ရောက်လာ တတ်ပါတယ်။ ခက်ခဲကြန့်ကြာနေတဲ့ အရောင်းအဝယ်ကိစ္စကတော့ အဆင်ပြေသွားလိမ့်မယ်။ ကုန်ရောင်းတာ၊ ကုန်ဝယ်တာ၊ ကုန်လှောင်တာတွေ အကျိုးအမြတ်များမယ့် အချိန်ပါပဲ။ လူရင်းထဲက နိုင်ငံခြားခရီးစီစဉ်နေသူ အဆင်ပြေ အောင်မြင်မယ်။ ပညာရေးကိစ္စ၊ သင်တန်းကိစ္စတွေကတော့ မသေမချာဖြစ်ရတတ်တယ်။ စီးပွားရေး လုပ်ငန်းတွေမှာ ဘာအခက်အခဲပဲကြုံကြုံ တိုးချဲ့ပြီး လုပ်သွားသင့်ပါတယ်။ ကျန်းမာရေးအတွက်တော့ ငွေကုန်ကြေးကျများတတ်တယ်။ အရေးအကြီး စာရွက်စာတမ်း တွေ ပျက်စီးပျောက်ဆုံးတတ်တယ်။ ငွေဆုံးတာပျောက်တာ ဖြစ်တတ်တယ်။ အလှူပွဲ၊ မင်္ဂလာပွဲတစ်ခုကို အကြောင်းပြုပြီး ပြဿနာတွေ ပေါ်လာတတ်ပါတယ်။ ကံအကျိုးပေးဂဏန်း ၂/၆။ ကံ၏အပံ့အပိုးရရှိရန် ကလေးများကို ခေါက်ဆွဲကြော်လှူပါလေ။

 

သောကြာသားသမီးများ

ဒီရက်တွေအတွင်းမှာ အောက်လက်ငယ်သားတွေအတွက် စိတ်ချမ်းသာစရာ  ကြုံလာရတတ်ပါတယ်။ ပြဿနာဖြစ်နေသူတွေနဲ့ ပြန်ပြီးအဆင်ပြေသွားမယ်။ အချစ်ရေး၊ အိမ်ထောင်ရေးမှာ ဝမ်းသာကြည်နူးစရာတွေ ကြုံလာမယ်။ ကောင်းသောခရီးတွေ သွားရတတ်ပါတယ်။ ကောင်းသောခွဲခွာခြင်းတွေနဲ့ ခွဲခွာရတတ်ပါတယ်။ ငွေရေးကြေးရေး အင်မတန်စိတ် ချမ်းသာရမယ်။ မထင်မှတ်တဲ့နေရာက ငွေတွေအများကြီးဝင်လာမယ်။ မိန်းမကြီးတစ်ယောက်ဆီက အကူအညီအကောင်းတွေ ရတတ်တယ်။ အလုပ်နှစ်မျိုး၊ ဝင်ငွေနှစ်မျိုးဖြစ်လာမယ်။ ထီပေါက်တတ်ပါ တယ်။ ပစ္စည်းတစ်ခု အရောင်းအဝယ်မှား ဖြစ်တတ်တယ်။ မိတ်ဆွေရင်းမောင်နှမတွေနဲ့ အဆင်မပြေ လမ်းခွဲရတတ်ပါတယ်။ မိတ်ဆွေအရင်းများထဲက စိတ်ဝေဒနာခံစားရတာ၊ အိမ်ကထွက်သွားတာမျိုးတွေ ကြုံရတတ်ပါတယ်။ ဆရာသမား၊ ကြီးကဲသူတွေထဲက နာရေးကြုံတတ်တယ်။ နေရာထိုင်ခင်းကိစ္စ၊ အဆောက်အဦးကိစ္စတွေ အဆင်မပြေဖြစ်မယ်။ နေရာနှစ်ခုခွပြီး နေရတတ်ပါတယ်။ အောက်လက်ငယ်သားထဲက ခြေထောက်၊ ခါး ထိခိုက်မိတတ်တယ်။ တစ်မိသားစုလုံး ကျန်းမာရေး တရှောင်ရှောင်ဖြစ်တတ်တဲ့ ရက်တွေပါပဲ။ စက်ကိစ္စ၊ စာချုပ်စာတမ်းကိစ္စ၊ စပ်တူကိစ္စတွေမှာလည်း စိတ်ရှုပ်စရာတွေ ဖြစ်လာတတ်ပါတယ်။ ကံအကျိုးပေးဂဏန်း ၈/၇။ ကံ၏အပံ့အပိုးရရှိရန် ကလေးများကို စာအုပ် လှူပါလေ။

 

စနေသားသမီးများ

ဒီရက်တွေအတွင်းမှာ ဆုံးရှုံးထားတာတွေ ပြန်ရတတ်တယ်။ နစ်နာခဲ့သမျှ အခွင့်အရေးကောင်းတွေ ကြုံလာတတ်ပါတယ်။ အောက်လက်ငယ်သားရဲ့ အလုပ်ကိစ္စ၊ ပညာရေးကိစ္စတွေမှာလည်း ဝမ်းသာစရာတွေ ကြုံလာမယ်။ မီး၊ လျှပ်စစ်အန္တရာယ်ကြုံလာတတ်တယ်။ မတော်တဆထိမိခိုက်မိတာတွေတော့ သတိထားဖို့လိုပါ တယ်။ အဖိုးတန်ပစ္စည်းတွေလည်း ပျက်တတ်၊ ထွက်တတ်တယ်။ အိမ်ကိစ္စ၊ နေရာထိုင်ခင်းကိစ္စနဲ့ပတ်သက် တဲ့ အစီအစဉ်တွေ လွဲချော်သွားတတ်တယ်။ မဖြစ်စလောက်ကိစ္စနဲ့ ကြီးကြီးမားမား ပြောဆိုဖြေရှင်းရတတ်ပါတယ်။ အချစ်ရေး၊ အိမ်ထောင်ရေးမှာတော့ အထစ်အငေါ့ဖြစ်နေတာတွေ အဆင်ပြေသွားမယ်။ ကောင်း သောအပြောင်းအလဲတွေ ဖြစ်လာမယ်။ လူကြီးမိဘဆရာသမားတွေဆီက ထိထိရောက်ရောက် အကူအညီ ကောင်းတွေ ရတတ်တယ်။ အလုပ်အခွင့်အလမ်းကောင်းတွေ ပေါ်လာမယ်။ လက်ရှိလုပ်ငန်းကိုတိုးချဲ့တာ၊ လုပ်ငန်းသစ်စတာတွေ လုပ်သင့်ပါတယ်။ ငွေရေးကြေးရေးကတော့   တော်တော်လေး အဆင်မပြေဖြစ်မယ်။ ငွေကိုအကြောင်းပြုပြီး တော်တော့ကို ရှင်းရလင်းရ၊ ငြင်းခုန်ရတွေ ဖြစ်တတ်ပါတယ်။ အထစ်အငေါ့ အနှောက်အယှက်တွေကြားထဲက တိုးတက်အောင်မြင်မှုတွေ ခံစားရ

မယ့်ကာလဖြစ်ပါတယ်။ ကံအကျိုးပေးဂဏန်း ၄/၈။ ကံ၏အပံ့အပိုးရရှိရန် နွမ်းပါးသူများကို သစ်သီးလှူပါလေ။

 

သဗ္ဗေဓမ္မာ

ဇင်ယော်နီ

စတိုးဆိုင်ပိုင်ရှင်တစ်ဦး ဖြစ်ပါသလား?

Red dot ဆိုင်ပိုင်ရှင်တစ်ယောက်ဖြစ်ရန်

သင့်ရဲ့လုပ်ငန်း တိုးတက်ရန် လိုအပ်သောအရာများကို Red dot မှ ကူညီထောက်ပံ့သွားမှာ ဖြစ်ပါတယ်။ ဒီနေ့ပဲ Red dot ကို ဆက်သွယ်ပြီး ဖုန်းဘေလ်မှအစ တခြားသော ငွေပေးချေမှု စနစ်တွေကို သင့်ဆိုင်မှာ စတင် ဝန်ဆောင်မှုပေးလိုက်ပါ။

လျှောက်ထားရန်
Customer Support

အကူအညီရယူလိုပါသလား?

ယဉ်ကျေးပျူငှာသော Red dot Customer Care အဖွဲ့မှ သင့် ပြဿနာများကို ဖြေရှင်းဖို့ အသင့် ရှိနေပါတယ်။

ဆက်သွယ်ရန်