News

ဇင်ယော်နီ တစ်ပတ်အတွင်း ချိန်ဆရန် သင်၏ကံ (၂၀၁၈ နိုဝင်ဘာ ၁၉ မှ ၂၅ )

တနင်္ဂနွေသားသမီးများ

ဒီရက်တွေအတွင်းမှာ ရပ်ဝေးအဆက်အသွယ်ကောင်းတွေ ပေါ်လာမယ်။ ခရီးကိစ္စပေါ်လာ မယ်။ အောင်မြင်မယ်။ မျက်မှန်နဲ့လူဆီက အကူအညီကောင်းတွေ ရတတ်တယ်။ ထွက်နေတဲ့ ငွေတွေ၊ ပစ္စည်းတွေ ပြန်ဝင်လာမယ်။ ဆုံးရှုံးထားတဲ့ အခွင့်အရေးတွေ ပြန်ရတတ်ပါတယ်။ ပျောက်နေတဲ့ပစ္စည်းတွေ အမှတ်မထင် ပြန်တွေ့တတ်ပါတယ်။ ဆရာသမား၊ မိတ်ဆွေတို့ရဲ့ အကူအညီကောင်း ပေါ်လာမယ်။ အပေါင်းအသင်းနှစ်ယောက်ရဲ့ သတင်းကောင်း ကြားမယ်။ အိမ်ကိစ္စ၊ အဆောက်အဦးကိစ္စ၊ နေရာကိစ္စတွေမှာတော့ မှန်းချက်နဲ့နှမ်းထွက် လွဲကုန် တတ်ပါတယ်။ အောက်လက်ငယ်သားအတွက်လည်း စိတ်သောကရောက်ရတတ်တယ်။ မိသားစုထဲက တစ်ယောက် ခြေထောက်မှာ ထိခိုက်မိတတ်ပါတယ်။ မဖြစ်စလောက် အခက်အခဲ၊ ပြဿနာလေးတစ်ခု ရှင်းမပြီးနိုင်ဘဲ ဖြစ်နေတတ်ပါတယ်။ အချစ်ရေး၊ အိမ်ထောင်ရေးနဲ့ပတ်သက်လို့ကတော့ သာယာရန် ရာနှုန်းပြည့်လို့ ပြောရမှာပါပဲ။ ကြည်နူး ဝမ်းမြောက်ဖွယ် လက်ဆောင်ပစ္စည်းတွေလည်း ဝင်လာတတ်ပါတယ်။ အရေးကြီးတဲ့ကိစ္စတစ်ခုမှာ ဆုံးဖြတ်ချက်မှားတတ်ပါတယ်။ စိတ်လေစရာ အဖြစ်အပျက် တွေ ကြုံလာတတ်တယ်။ ရပ်ဝေးကြီးကဲသူဆီက အကူအညီရတာ၊ ရပ်ဝေးသတင်းကောင်းကြားတာ ပညာရေးကိစ္စ၊ သင်တန်းကိစ္စအတွက် ဝမ်းသာစရာကြုံတာ၊ လုပ်ငန်းအဆက်အသွယ်သစ်၊ အခွင့် အလမ်းကောင်း ပေါ်လာတာတွေ ကြုံရတတ်ပါတယ်။ ငွေနဲ့ပတ်သက်ပြီး အထစ်အငေါ့ အခက်အခဲတွေ ပြေလည်သွားမယ်။ သူတစ်ပါးတွေရဲ့ အထင်လွဲစွပ်စွဲခြင်း ခံရတတ်တာကိုတော့ သတိပြုရမယ့်အချိန်ပါပဲ။  ကံအကျိုးပေးဂဏန်း ၃/၆။ ကံ၏အပံ့အပိုးရရှိရန် ဘုရားမှာ မလိုင် ၉ လုံး လှူပါလေ။

တနင်္လာသားသမီးများ

ဒီရက်တွေအတွင်းမှာ ငွေတအားရွှင်မယ်။ သတင်းကောင်း၊ ဧည့်သည်ကောင်းတွေ ရောက်လာမယ်။ စာချုပ်ကိစ္စ၊ စာရင်းဇယားကိစ္စ၊ ပွဲလမ်းသဘင်ကိစ္စတွေ အောင်မြင်မယ်။ ပစ္စည်း အရောင်းအဝယ်ကိစ္စ ထစ်ငေါ့နေရင် အဆင်ပြေသွားမယ်။ ရပ်ဝေးက ငွေတွေ၊ ပစ္စည်းတွေလည်း ရောက်လာတတ်ပါတယ်။ မိသားစုထဲမှာတော့ တစ်ယောက်တစ်မျိုး စိတ်သဘောတွေ ကွဲရတတ်ပါတယ်။ အဆောက်အဦး၊ နေရာထိုင်ခင်းကိစ္စ၊ အဆင်မပြေဖြစ်တတ်တယ်။ မိခင်၊ အဒေါ်၊ အစ်မ စတဲ့ မိန်းမကြီးတွေနဲ့ ပြဿနာဖြစ်ရတတ်ပါတယ်။ အောက်လက်ငယ်သားထဲက ထိခိုက်အန္တရာယ် ကြုံတတ်တယ်။ အချစ်ရေး၊ အိမ်ထောင်ရေးကိစ္စတွေမှာတော့ ကြည်နူးချမ်းမြေ့စရာတွေ ဖြစ်လာမယ်။ ထူးထူးခြားခြား ဓာတ်ပုံတွေ၊ ပိုစတာတွေ၊ ပန်းချီကားတွေ ဝင်လာတတ်ပါတယ်။ ဒီအချိန်မျိုးမှာ တဇွတ်ထိုးလုပ်မိပြီး အမှားအယွင်းတွေတော့ ကြုံရတတ်ပါတယ်။ အများရဲ့ အမြင်မှာ အထင်လွဲစရာကိစ္စတွေ ဖြစ်လာတတ်ပါတယ်။ ပညာရေးကိစ္စ၊ သင်တန်းကိစ္စတွေ အဆင်ပြေ အောင်မြင်မယ်။ ရပ်ဝေးက အဆက်အသွယ်ကောင်းတွေ ပေါ်လာတတ်ပါတယ်။ လုပ်ဖော်ကိုင်ဖက်တွေ၊ လုပ်ငန်းပြိုင်တွေကတော့ ဒုက္ခပေးလာတတ်ပါတယ်။ အလုပ် မလုပ်ချင်တော့လောက်အောင် စိတ်ပျက်စရာတွေ ကြုံလာတတ်ပါတယ်။ ငွေရေးကြေးရေး ကတော့ အဘက်ဘက်က ဝင်နေပါလိမ့်မယ်။ မထင်မှတ်တဲ့ခရီး၊ ဘုရားဖူးခရီး၊ ငွေကိစ္စခရီးတွေ ထွက်ရတတ်ပါတယ်။ ပြဿနာဟောင်း၊ ရောဂါဟောင်းတွေ ပြန်ပေါ်လာတတ်တာကိုတော့ သတိထား ရမယ့်အချိန်လေးပါပဲ။  ကံအကျိုးပေးဂဏန်း ၄/၂။ ကံ၏အပံ့အပိုးရရှိရန် ဘုရားမှာ စံပယ် ၉ ကုံးလှူပါလေ။

အင်္ဂါသားသမီးများ

ဒီရက်တွေအတွင်းမှာ ထူးထူးခြားခြား အောင်မြင်မှုတွေကြုံမယ်။ ဝမ်းသာစရာ နှစ်မျိုး ကြုံမယ်။ အလုပ်တွေကို အရှိန်အဟုန်မြှင့် တိုးချဲ့သင့်တဲ့ အချိန်လေးပါပဲ။ ပစ္စည်း ဝယ်/ရောင်း၊ ငှားရမ်းတဲ့ကိစ္စတွေမှာတော့ အလွဲအချော်ဖြစ်တတ်တယ်။ ရပ်ဝေးက အကူအညီကောင်းပေါ်လာမယ်။ အဆောက်အဦးကိစ္စ၊ အလုပ်နေရာ၊ အိမ်နေရာကိစ္စတွေ အဆင်ပြေမယ်။ နေရာဟောင်း တွေနဲ့ ပြန်ပြီးပတ်သက်ရတတ်ပါတယ်။ အောက်လက်ငယ်သားနဲ့ပတ်သက်လို့ ရည်ရွယ်ထားတဲ့ အစီအစဉ်တစ်ခုကတော့ လွဲသွားချော်သွားလိမ့်မယ်။ စိတ်ညစ်စရာဧည့်သည်၊ ဒုက္ခပေးမယ့်ဧည့်သည် လည်း ရောက်လာတတ်ပါတယ်။ မီး၊ လျှပ်စစ်၊ အပူ အန္တရာယ်ကြုံရတတ်ပါတယ်။ အချစ်ရေး၊ အိမ်ထောင်ရေးမှာ ပြေလည်နေမယ်။ မပြေလည်ဘူးဆိုရင်လည်း အမျိုးသမီး တစ်ဦးက ကြားဝင် ကူညီလာလိမ့်မယ်။ ခရီးအစီအစဉ်တစ်ခု လွဲသွား၊ ချော်သွားတတ်ပါတယ်။ မသွားချင်တဲ့ခရီး၊ အစီအစဉ်မရှိတဲ့ ခရီးမျိုးလည်း သွားရတတ်ပါတယ်။ ပညာရေးကိစ္စ၊ သင်တန်းကိစ္စတွေမှာ အဆင်မပြေကြီးစွာ ဖြစ်ရတတ်ပါတယ်။ ဆရာသမားလို ပုဂ္ဂိုလ်တွေ ထိခိုက်အန္တရာယ်ကြုံတတ်တယ်။ အလုပ်ကိစ္စ အလိမ်ခံရတတ်တယ်။ သူတစ်ပါး ပြဿနာကို ခေါင်းခံပြီးရှင်းရတတ်ပါတယ်။ မထင်မှတ်တဲ့ အလုပ်အခွင့်အရေးကောင်း၊ အဆက်အသွယ်ကောင်းတွေတော့ ပေါ်လာတတ်တယ်။ ငွေရေးကြေးရေး၊ စာရင်းဇယားကိစ္စတွေမှာ ရှုပ်ရှုပ်ထွေးထွေးဖြစ်တတ်ပါတယ်။ အတော်ကြီးခေါင်းစားနေရတဲ့ ပြဿနာတစ်ခုကတော့ ဟိုလိုဒီလိုနဲ့ပဲ အဆင်ပြေသွားပါလိမ့်မယ်။ ကံအကျိုးပေးဂဏန်း ၅/၁။ ကံ၏အပံ့အပိုးရရှိရန် ဘုရားမှာ ဆီချက်ခေါက်ဆွဲ လှူပါလေ။

ဗုဒ္ဓဟူးသားသမီးမျာ

 ဒီရက်တွေအတွင်းမှာ ထစ်ငေါ့ကြန့်ကြာနေတဲ့ကိစ္စတွေ အဆင်ပြေသွားမယ်။ အလုပ်လျှောက်တဲ့ကိစ္စ၊ လျှောက်လွှာကိစ္စ၊ စာချုပ်၊ စာရင်းဇယားကိစ္စတွေ အောင်မြင်မယ်။ ပစ္စည်းတစ်ခုကို အကြောင်းပြုပြီး စကားများ ဖြေရှင်းရတတ်ပါတယ်။ ဆရာသမား၊ မိတ်ဆွေတို့ဆီက အကူအညီကောင်းတွေ ပေါ်လာမယ်။ မိတ်ဆွေအရင်းအချာရဲ့အိမ် အခိုးခံရတတ်ပါတယ်။ နေရာကိစ္စ၊ အဆောက်အဦးကိစ္စတွေ အစီအစဉ်တွေ ပျက်သွား၊ တန်းလန်းကြီးဖြစ်သွားတတ်ပါတယ်။ ဖခင်၊ ဦးလေး၊ အစ်ကို ... စသူတွေ ကျန်းမာရေးညံ့တတ်ပါတယ်။ အောက်လက်ငယ်သားနဲ့ပတ်သက်ပြီး အခက်အခဲ ကြုံရတတ်တယ်။ မိန်းမတစ်ယောက် ဒုက္ခပေး လာတတ်ပါတယ်။ အရေးကြီး စာရွက်စာတမ်းတွေ ပျက်စီးပျောက်ဆုံးတတ်တယ်။ အချစ်ရေး၊ အိမ်ထောင်ရေးမှာ မထင်မှတ်တဲ့ အချိုးအကွေ့တွေ ကြုံလာတတ်ပါတယ်။ ကိုယ့်ချစ်သူ၊ ကိုယ့်အိမ်ထောင်ဘက် လက်မှာ ခိုက်မိတာ၊ အောင့်တာ၊ နာတာ ဖြစ်တတ်ပါတယ်။ ဘေးပယောဂကြောင့် အချစ်ရေးအိမ်ထောင်ရေး ပြဿနာကြီးတတ်ပါတယ်။ ပြည်တွင်းပြည်ပ ခရီးဝေးကိစ္စတွေ အောင်မြင်မယ်။ ပညာရေးကိစ္စ၊ သင်တန်းကိစ္စတွေမှာလည်း ဝမ်းသာအားရဖြစ်စရာ ကြုံရတတ်ပါတယ်။ အလုပ်တစ်ချို့ မပြီးမပြတ် ဖြစ်နေတတ်ပါတယ်။ ဆုံးဖြတ်ရခက်တဲ့ အကြပ်အတည်းမျိုးတွေလည်း ကြုံလာတတ်ပါတယ်။ ငွေကံကတော့ အတော်ကလေး ကောင်းနေတဲ့ အချိန်ပါပဲ။ လက်ဆောင်ပစ္စည်းတစ်ခု၊ အမှတ်တရပစ္စည်းတစ်ခုကို အကြောင်းပြုပြီး စိတ်ရှုပ်စရာလေး တော့ ကြုံလာတတ်ပါတယ်။ ကံအကျိုးပေးဂဏန်း ၆/၃ ကံ၏အပံ့အပိုးရရှိရန် မိတ်ဆွေများကို အကြော်ဒါန ပြုလုပ်ပါလေ။

ကြာသပတေးသားသမီးများ

ဒီရက်တွေအတွင်းမှာ ပြည်တွင်းပြည်ပ ခရီး၊ ဘုရားဖူးခရီးတွေ သွားရတတ်ပါတယ်။ ရပ်ဝေးကစာတွေ၊ ပစ္စည်းတွေ၊ အဆက်အသွယ်ကောင်းတွေလည်း ရောက်လာတတ်တယ်။ ထစ်ငေါ့ ကြန့်ကြာနေတဲ့ ပစ္စည်း အဝယ်အရောင်း၊ အငှားအရမ်း၊ အသွင်းအထုတ်ကိစ္စ အောင်မြင်မယ်။ သူငယ်ချင်းမိတ်ဆွေတွေ၊ မောင်နှမတွေနဲ့ အဆင်မပြေကြီးစွာဖြစ်ရတတ်ပါတယ်။ သူတို့တွေ ခြေထောက်မှာ ထိခိုက်မိတတ်တယ်။ နေရာကိစ္စ၊ အိမ်ကိစ္စ အစီအစဉ်တွေ လွဲချော်သွား တတ်ပါတယ်။ ဟိုမှာနေရတော့မလို၊ ဒီမှာနေရတော့မလို ယောင်တောင်တောင်ဖြစ်နေရတတ်ပါတယ်။ အမေ၊ အစ်မ၊ အဒေါ် စသူတွေနဲ့ စီစဉ်ထားတဲ့ အစီအစဉ်တွေ လွဲသွား၊ ပျက်သွားတတ်ပါတယ်။ ယာဉ်ကိစ္စ၊ စက်ကိစ္စတွေ အတွက်လည်း ပြောဆိုဖြေရှင်းရတတ်ပါတယ်။ အချစ်ရေးအိမ်ထောင်ရေးမှာ သတိကြီးစွာထားရမယ့် ရက်တွေပါပဲ။ သူ့လမ်းသူလျှောက်၊ ကိုယ့်လမ်းကိုယ်လျှောက် ဖြစ်ကုန်တတ်ပါတယ်။ ဘာရယ်မဟုတ်ဘဲ စိတ်မွန်းကျပ်နေမယ်။ စိတ်တိုလွယ်၊ ပြဿနာဖြစ်လွယ်တဲ့ အချိန်ပါပဲ။ မလုပ်ချင်တဲ့အလုပ်တွေလည်း လုပ်ရတတ်ပါတယ်။ ပညာရေးကိစ္စ၊ သင်တန်းကိစ္စနဲ့ပတ်သက်တဲ့ အခက်အခဲတွေကတော့ ပြေလည်သွားမယ်။ ပြဿနာဖြစ်နေတဲ့ ဆရာသမား၊ ကြီးကဲသူတွေနဲ့လည်း သင့်မြတ်ပြေလည်သွားပါလိမ့်မယ်။ ငွေကြေးရော၊ နာမည်ဂုဏ်သတင်းပါ တိုးတက်မယ့် အချိန်ပါပဲ။ ငွေဝင်သလောက် စာရင်းဇယား အရှုပ်အထွေးတွေ ကြုံရတတ်ပါတယ်။ သူခိုးခိုးခံရတာ၊ သော့ဒုက္ခပေးတာ၊ သေချာသိမ်းဆည်းထားတဲ့ပစ္စည်း ပျောက်ဆုံးတာမျိုးတွေတော့ ကြုံရတတ်ပါတယ်။ ကံအကျိုးပေးဂဏန်း ၇/၈။ ကံ၏အပံ့အပိုးရရှိရန် သီလရှင်ကို ဖျော်ရည်လှူပါလေ။

သောကြာသားသမီးများ

ဒီရက်တွေအတွင်းမှာ ခရီးကိစ္စတွေ အောင်မြင်မယ်။ ပစ္စည်း အဝယ်၊ အရောင်းကိစ္စတွေ အဆင်ပြေအောင်မြင်မယ်။ အဖိုးတန် စာအုပ်စာတမ်း၊ တယ်လီဖုန်း၊ ယာဉ် ... စတာတွေ ဝင်လာတတ်ပါတယ်။ အဆင်မပြေဖြစ်နေတဲ့ သူငယ်ချင်းအပေါင်းအသင်းတွေ၊ လုပ်ဖော်ကိုင်ဘက်တွေနဲ့ ညှိလို့နှိုင်းလို့ အဆင်ပြေသွားမယ်။ ညီအစ်ကိုမောင်နှမနဲ့ပတ်သက်တဲ့ သောကရောက်စရာ ပြေပျောက်သွားမယ်။ အဆောက်အဦးကိစ္စ၊ အလုပ်နေရာကိစ္စတွေ စိတ်ချမ်းသာရမယ်။ လျှပ်စစ်ပစ္စည်းတွေ ဝင်တတ်တယ်။ အမေ၊ အစ်မ၊ အဒေါ် စသူတို့အတွက် ဝမ်းမြောက်စရာ သတင်းကောင်းကြား မယ်။ အောက်လက်ငယ်သားတွေ ထိမိခိုက်မိ ကြုံရတတ်ပါတယ်။ အလုပ်မှာ အတို့အထောင် ချောက်တွန်း ခံရတတ်တယ်။ ရေနား၊ ချောင်းနား၊ ကန်နားမှာနေတဲ့လူကြောင့် စိတ်ညစ်ရတတ်ပါတယ်။ တိရစ္ဆာန်ကြောင့်လည်း စိတ်ညစ်ရတတ်တယ်။ အချစ်ရေးမှာ အဆင်မပြေ အလွဲအချော်တွေ ဖြစ်ကုန်တတ်ပါတယ်။ အိမ်ထောင်ရှင်များလည်း တစ်ယောက်ယောက် အိမ်ကထွက်သွားမိသည်အထိ အဆင်မပြေဖြစ်ရတတ်ပါတယ်။ ပညာရေးကိစ္စ၊ သင်တန်းကိစ္စတွေမှာ ဝမ်းမြောက် စိတ်ချမ်းသာရမယ်။ စာချုပ်စာတမ်း ကိစ္စ၊ လျှောက်လွှာကိစ္စတွေ အောင်မြင်မယ်။ သေချာစီစဉ်ထားတဲ့ လုပ်ငန်းတစ်ခုကတော့ လုံးဝပျက်စီးသွားတတ်ပါတယ်။ ဖခင်၊ ဦးလေး၊ အစ်ကို စသူတွေ ကျန်းမာရေးညံ့တတ်တယ်။ ငွေကိစ္စမှာ မရှင်းမရှင်းတွေ ဖြစ်တတ်တယ်။ အရင်တုန်းကဖြစ်ဖူးတဲ့ ပြဿနာတွေ၊ ရောဂါတွေ၊ အဆင်မပြေမှုတွေ တစ်ကြော့ပြန်လာတတ်ကြောင်း သတိပြုစေလိုပါတယ်။ ကံအကျိုးပေးဂဏန်း ၈/၇။ ကံ၏အပံ့အပိုးရရှိရန် ကလေးများကို ခဲတံ ဒါနလုပ်ပါလေ။ 

စနေသားသမီးများ

ဒီရက်တွေအတွင်းမှာ ပြဿနာတွေ တစ်ခုပြီးတစ်ခု တန်းစီ နေတတ်ပါတယ်။ မတော်တဆ ထိမိခိုက်မိအန္တရာယ်ကြုံတာ၊ မီး၊ လျှပ်စစ်၊ သူခိုး ဒုက္ခပေးတာမျိုးတွေ သတိထားပါ။ ရည်ရွယ်ချက်ကြီးတွေ ပျက်သုဉ်းပြီး ခြေကုန်လက်ပန်းကျ ဖြစ်သွားတတ်တဲ့ အချိန်မျိုးပါပဲ။ ပစ္စည်း အဝယ်အရောင်း၊ အငှားအရမ်း၊ အသွင်းအထုတ်ကိစ္စတွေမှာ ပြဿနာ ကြုံရတတ်တယ်။ တစ်ယောက်ယောက်က တမင်ညစ်ပြီး ချောက်ချ အကောက်ကြံတာမျိုး ကြုံလာတတ်ပါတယ်။ မိတ်ဆွေရင်းတွေနဲ့ ခွန်းကြီးခွန်းငယ် စကားများရတတ်ပါ တယ်။ အဆောက်အဦကိစ္စ၊ နေရာထိုင်ခင်းကိစ္စ အဆင်ပြေမယ်။ ရပ်ဝေးက သူတွေနဲ့ ပြန်လည်ဆုံဆည်းရတတ်ပါတယ်။ ဆွေမျိုးရဲ့ သတင်းကောင်းလည်း ကြားရတတ်ပါတယ်။ ပြဿနာအဟောင်း၊ ဒုက္ခအဟောင်းတွေ ပြန်ပေါ်လာတတ်ပါတယ်။ ပြီးသွားပြီထင်တဲ့ အဆင်မပြေမှုတွေ တစ်ကျော့ပြန်လာတတ်တယ်။ အချစ်ရေး၊ အိမ်ထောင်ရေး အထစ်အငေါ့ ပြေလည်သွားမယ်။ကျန်းမာရေးကိစ္စအတွက် ခရီးသွားရတာမျိုး၊ လူနာဧည့်သည်ကို ကူညီပြုစုရတာမျိုး ကြုံရတတ်ပါတယ်။ ပညာရေးအစီအစဉ်၊ သင်တန်းအစီအစဉ်တွေ လက်လျှော့ရမတတ် ဖြစ်သွားတတ်ပါတယ်။ ဆရာသမား၊ ကြီးကဲသူတို့ရဲ့ သောကရောက်ဖွယ်သတင်းကို ကြားရတတ်ပါတယ်။ အလုပ် ရည်ရွယ်ချက်တွေမှာ မိန်းမတစ်ယောက် ဝင်ရှုပ်လာလိမ့်မယ်။ မလုပ်ချင်တဲ့အလုပ်တွေ လုပ်နေရတတ်တယ်။ ငွေရေးကြေးရေးကလည်း မဝင်သလောက်ဖြစ်နေမယ်။ ရှိတဲ့ငွေကလေးကလည်း ကောင်းရာကောင်းကြောင်း မဟုတ်တဲ့ကိစ္စတွေမှာ သုံးပစ်လိုက်ရတတ်ပါတယ်။ လျှပ်စစ်ပစ္စည်းတွေ ဒုက္ခပေးတတ်တယ်။ ကံအကျိုးပေးဂဏန်း ၉/၂။ ကံ၏အပံ့အပိုးရရှိရန် ညောင်ပင်မှာ မေတ္တာပို့ပါလေ။

သဗ္ဗေဓမ္မာ

ဇင်ယော်နီ

စတိုးဆိုင်ပိုင်ရှင်တစ်ဦး ဖြစ်ပါသလား?

Red dot ဆိုင်ပိုင်ရှင်တစ်ယောက်ဖြစ်ရန်

သင့်ရဲ့လုပ်ငန်း တိုးတက်ရန် လိုအပ်သောအရာများကို Red dot မှ ကူညီထောက်ပံ့သွားမှာ ဖြစ်ပါတယ်။ ဒီနေ့ပဲ Red dot ကို ဆက်သွယ်ပြီး ဖုန်းဘေလ်မှအစ တခြားသော ငွေပေးချေမှု စနစ်တွေကို သင့်ဆိုင်မှာ စတင် ဝန်ဆောင်မှုပေးလိုက်ပါ။

လျှောက်ထားရန်
Customer Support

အကူအညီရယူလိုပါသလား?

ယဉ်ကျေးပျူငှာသော Red dot Customer Care အဖွဲ့မှ သင့် ပြဿနာများကို ဖြေရှင်းဖို့ အသင့် ရှိနေပါတယ်။

ဆက်သွယ်ရန်